یابۀ دنیاکې سم ژوندون کړم
یابۀ دمړوڅنګ کې خاورولاندې شمه
یابۀ دې زلفې کمربندکړم
یابۀ زماپۀ وینوووهې خالونه
یابۀ زمابدې طالع وی
یابۀ دټولومعشوقودغه حال وینه
یابۀ مې دایاری یاری شی
یابۀ مې سردغرغرې شمال وهینه
یابۀ مې ستاوصال نصیب شی
یابۀ مې سرپۀ سرددارټالۍ وهینه
یابۀ مې ستایاری یاری شی
یابۀ مې سردسپینوتوروسره ځینه
یابۀ دې زلفې کمربندکړم
یابۀ زماپۀ وینوووهې خالونه
یاپۀ جهان کې وفانۀ شته
یابې وفاجانان زماپۀ برخه شونه
یادشمشادخوږې وږمې دی
یادنجلۍ دڅڼوبوی مزه کوینه
یاخودیارسره یوځای وی
یاخومې نۀ وی پۀ زخمی زړګی داغونه
یاخوزماپۀ سترګوګرددی
یاپۀ تمامه دنیاپرېوتل ګردونه
یاخوزماپرزړۀ تیارۀ ده
یادتمامې دنیامړۀ دی مشالونه
یاخومې خپل اشنانصیب کړې
یامې دمرګ پرلورې پرېږدئ چې ورځمه
یاخومې خپل زړګوټی تنګ دی
یاخوتمامه دنیاتنګه ده مینه
یاخوېواځې پۀ ماغم دی
یاپۀ تمام جهان بلېږی سرۀ اورونه
یادادم درباب شرنګ دی
یادوړې درخودنازخنداراځینه
یادخوتن دمشکوبوی دی
یادې شمال دتوروزلفودې راځینه
یادخوتن خوشبویه باددی
یاعنبری زلفې مې یارسپړلې دینه
یادلاله پرمخ شبنم دی
یایې پرسرۀ باړخوخولې راغلې دینه
یادواړۀ رباب شرنګا ده
یادپترو مېرمن پۀ شرنګ یارله ورځینه
یادوړې نجلۍ خنداده
یادمومندودسرپوښودی غږونه
یادوړې پۀ خولۀ کې کشمالی دی
یایې دعطروپۀ اوبولمبلی دینه
یادې دزلفوخوشبویی ده
یادتاتارپۀ مشکوګډ شول چپاوونه
یادې دزلفوخوشبویی ده
یادې دعطروپۀ چینه لمبلی دینه
یادې لبان راته انعام کړه
یامې پۀ دارکړه چې لۀ غمه خلاصه شمه
یادې لۀ ځانه شونډې سرې دی
یاخودې پاڼ دهندوستان وهلی دینه
یادیې لره چې هېردې نۀ شی
زۀ دې لۀ دره بېنواشړلې یمه
یارانولاس پۀ توروکېږدئ
زموږ همېش دی دحضرت پردین جنګونه
یارخوزماپۀ څنګ کې ناست دی
دغه ساعت پۀ پادشاهۍ نۀ بدلومه
یارخومې لوړزۀ ټیټکۍ یم
دپڼدڅوکې لګوم خولۀ ورکومه
یارمسافرځی توښه غواړی
کباب دزړۀ بادام دسترګوورکومه
یارمې پۀ خاوروکې زېړپروت دی
سینه بسترزړۀ بالښت ورلاندې ږدمه
یارمې دتوروغېلوشپون دی
ماته بۀ راوړی سپینې ژاولې زېړګلونه
یارمې دډاګ ګرمیووسو
ځم چې خیمه دتوروربل پرې ودرومه
یارمې دللمې زېړی ګل دی
زۀ بۀ دسپینې خولې شبنم پرې اورومه
یارمې کوچی ؤ کوچ یې وکړ
زۀ دې شم خواره پۀ کوچی مینېدمه
یارمې لېربۀ دتوروغرو دی
هرمازیګرراته زېړی ګلان راوړینه
یاره پۀ تشه خنداخوښ شوې
کۀ مې خولۀ درکړه لېونی بۀ شې مینه
یاره دسرسالو مې زوړشو
اول مې ترې وځی دګاړګوټو څڼوسرونه
یاری خوتاکړه ماخو نۀ کړه
اوس یې چې لنډه پرې کوې ژړاراځینه
یاری دداسې یار ونۀ کړې
چې خاندې تاته مطلب بل سره کوینه
یاربۀ مې ولې توره نۀ کا
ترنیمای سنګره زۀ ورسره ځمه
یارپۀ چلم باندې مین دی
پۀ بخملی ګوتوبۀ اورورله وروړمه
یارپۀ سفرځی توښه غواړی
کباب دزړۀ بادام دسترګوورکومه
یارپۀ دکن ؤ زمایار ؤ
زۀ دېوې شپې مسافره هېره یې شومه
یارپۀ یارۍ کې ضامن غواړی
زۀ پۀ پردی هېوادکې څوک ضامن لرمه
یارپۀ یارۍ کې ضامن غواړی
راشه چې خط دغلامۍ درکړم مینه
یارپۀ یارۍ کې بې وفاشو
لۀ ماجداشویک تنهاولاړه یمه
یارپۀ یارۍ کې غرضداردی
زۀ بې غرضه پۀ چاڅۀ دخل لرمه
یارته مې دغه نښه وایه
چې تۀ ولاړوې مادې لاس نیولی ونه
یارچې پۀ یارپسې مړنۀ شی
تشه ژړادچم ګاونډخلک هم کړینه
یارخولرم بې یاره نۀ یم
نورویارانوسره تللی رابۀ شینه
یاردې لۀ مانه مرورکړ
دژبې سره پۀ غیچی دې پرې کومه
یاردې مدام خوشاله اوسی
څۀ شوکۀ زۀ یې پۀ هجران لېونۍ شومه
یارمهربان مخې ته راغی
چې مې څرګنډ ورته دخپل زړۀ کړۀ داغونه
یارکۀ یاری راسره نۀ کړی
بې بدوزړۀ ولې لۀ مانه بدوینه
یارمې پاچادولایت دی
زۀ مرغلره ددریاب دغاړې یمه
یارمې پاچادپاسه راغی
داسپینه خولۀ بۀ پۀ سورسات ورله وروړمه
یارمې پۀ سورپالنګ ویدۀ ؤ
خولۀ مې ورټیټه کړه پېزوان پرې ړومبی شونه
یارمې پر سرو لاسو مین دی
زۀ بۀ نکریزې پۀ خپل کورکې شنې کومه
یارمې پۀ توت کې خولګۍ غواړی
زۀ دښاخوپرسرورځم خولۀ ورکومه
یارمې پۀ توردکن کې ګل دی
زړۀ مې بلبل دی توردکن لره ورځمه
یارمې پۀ تورکې ښایسته دی
لکه پۀ تورټوپک دسروزروچاپونه
یارمې پۀ زین کې راته کوزشو
دپڼوڅوکې لګوم خولۀ ورکومه
یارمې پۀ کټ کې زخمی راغی
پۀ نارنجی سینه مې اورولګېدنه
یارمې پۀ کټ کې خولګۍ غواړی
زۀ یې دیدن کړم نورمې نۀ شته ارمانونه
یارمې پۀ سمه کې طالب دی
زمازړګی ورته درودغاړه ساتینه
یارمې پۀ سروګولیو درومی
سبابۀ مړوی مخ یې څله پټومه
یارمې پۀ سروسترګومین دی
زۀ بۀ داتورې سترګې چېرته بدلومه
یارمې پۀ سره غرمه کې ګرځی
کوتره نۀ یم چې پرې سیوری کړم څانګونه
یارمې پۀ خپله خولۀ رخصت کړ
دپېښېمانۍ اوښکې مې ځی پرمخ رودونه
یارمې پۀ ژڼوکې ښکاره دی
توریې پټکی لنډۍ یې څڼې شنۀ خالونه
یارمې پۀ زېړمازیګردرومی
پرماورېږی دسکروټوبارانونه
یارمې پۀ سین کې لاهوراغی
ماتوتکۍ کړې چې کږه وږه ورځمه
یارمې پۀ غرۀ کې بازنیولی
زۀ دورېښموتارپۀ خولۀ ورله وروړمه
یارمې پۀ ګلوکې ویدۀ دی
دسپینې خولې شبنم بۀ زۀ پرې اورومه
یارمې پۀ ټوکونۀ پوهېږی
ماپۀ خوروزلفووهومرورشونه
یارمې ټوپک زۀ یې ګولۍ یم
لۀ لویوغرومې اړوی ورکه بۀ شمه
یارمې ټپوس ناسته دبازکړی
زۀ کوردلیله یې پۀ ناسته خطاشومه
یارمې جوپې پسې دی تللی
زۀ خواره ناسته دکاروان لارې څارمه
یارمې داورګاډی ته خېژی
پۀ نارنجی مخ مې سېلاب داوښکوځینه
یارمې داورګاډی ته خېژی
پۀ ماورېږی دسکروټوبارانونه
یارمې دبرکلی میرزادی
ځکه قلم مشواڼۍ پټ ورته وروړمه
یارمې دبل پۀ خواکې ولید
جامومې اورواخست صورت مې لمبه شونه
یار مې دپورې للمې ګل دی
لکه شبنم پرې اورېدم تازه مې کنه
یارمې دجنګ نه تږی راغی
شربت دشونډوبۀ پۀ خولۀ کې ورکومه
یارمې دجنګ نه بری راووړ
زۀ ورته مخکې سلامی ولاړه یمه
یارمې دچین زۀ دماچین یم
پۀ زړګی سپین یم یارپۀ زړۀ کې ګرځومه
یارمې دخوست زۀ دتیرایم
خدایه خوست وران کړې چې جوړه تیراله ځونه
یار مې دګلوسره کوده ده
زۀ دورېښموکلاوه پرې ولوېدمه
یارمې زیارت زۀ یې ملنګه
خورې ورې زلفې ورتلم پرپرېوتمه
یارمې دزېړوګلوباغ دی
ټولۍ ټولۍ نجونې ورځی ګل بویوینه
یارمې دسروغنمولوکا
سپنه خولګۍ سباناری ورته وروړمه
یارمې دتلوڅپلۍ پۀ پښوکړې
زړګی مې رېږدی اوس بۀ واخلی قدمونه
یارمې دکوچ نغاره وکړه
زړګی مې رېږدی اوس بۀ واخلی قدمونه
یارمې دکوټ زۀ دتیرایم
ربه کوټ وران کړې چې جوړه تیراته ځونه
یارمې دلوړې جنغوزی ؤ
زمانې وچ کړمرګی اورورواچاونه
یارمې دلوړې جنغوزی دی
زۀ پرې وېرېږم څوک بۀ اورورواچوینه
یارمې دللمې زېړی ګل دی
زۀ بۀ شبنم دسپینې خولې پرې تویومه
یارمې دوچې زېړی ګل دی
دخپلواوښکوزۀ لښتی ورتېرومه
یارمې راتلوولاړه نۀ شوم
ربه ماماته کړې پۀ غبرګوزنګنونه
یارمې روان دی نۀ ستنېږی
زۀ ننواتې ورته ځم چې ستون یې کړمه
یارمې سپرېږی روانېږی
پۀ نارنجی مخ مې سېلاب داوښکوځینه
یارمې سپوږمۍ مینه یې لمرده
سپوږمۍ دشپې لمرخوپۀ ورځ راسره وینه
یارمې سرداردقافلې ؤ
پۀ لارویدۀ شوځکه بېرته پاتې شونه
یارمې شهیدشوپۀ غزاکې
چې جنازه یې پرښتې جنت ته وړینه
یارمې طالب مخې ته راغی
داسپینه خولۀ بۀ وظیفه ورله وروړمه
یارمې کابل کابل لرینه
کابل نژدې کړې چې یارشپې لره ورځینه
یارمې کمکوټی مسافردی
داسپنه خولۀ بۀ زۀ سوغات ورله لېږمه
یارمې کوچی ؤ کوچ یې وکړ
مایې خالی انګړته وکړل سلامونه
یارمې کوچی دی کوچ یې وکړ
زۀ یې خالی مېنې ته تل سلام کومه
یارمې لوړوغروته خېژی
دسرشمله یې دسپین غرۀ شمال وهینه
یارمې لۀ ښکې پۀ کوڅه راغی
لکه چهارسال بهاڼ پۀ سوموبازی کړینه
یارمې لۀ مانه مروردی
دډېره غمه لاس ترزنې ناسته یمه
یارمې پۀ جنګ کې ماتې وکړه
پۀ بېګانۍ ورکړې خولۀ پېښېمانه یمه
یارمې مدام پرویالۀ ناست وی
طبعه یې نازکه ده اوبۀ یې خوښې دینه
یارمې مورچل ته روانېږی
زۀ غاړه کۍ ورته پۀ غاړه اچومه
یارمې مورچل کې توره وکړه
همزولې ځکه راته کوښې سموینه
یارمې وړکوټی چلم کښ شو
باغ کې ولاړه تمباکواوبۀ کومه
یارمې هندوزۀ مسلمان یم
دیارلپاره درمسال جاروکومه
یارمې یاری راسره نۀ کړی
سبامې نیت دی چې دصبرسرای له ځمه
یارمې یارۍ نه زیاتی بس کړه
ځکه مې اوښکې پۀ باړخوراځی رودونه
یارمې یوسف لۀ ماجداشو
زۀ زلیخاپیالې دصبرپسې خورمه
یاره اول اخرزۀ ستایم
دومره مې پرېږده چې رخصت واخلم مینه
یاره پۀ خوب کې راحاضرشه
چې ترغرمې پورې خوشاله وګرځمه
یاره دزړۀ منډې راوکړه
دبېلتانۀ سېلوپۀ مخ اخستې یمه
یاره دغم پۀ سېلاب غرق شوم
څو دوصال جاله راځی هلاک بۀ شمه
یاره دکوچ خبرې مه کړه
کۀ تاویل کوچ دی زۀ بۀ مخکې لۀ تانه ځمه
یاره سبق کې سستی مه کړه
نجونوپېغورراکړ چې یاردې امی شونه
یاره خاطردې پرماګران دی
چې ماپۀ سپینه سینه پرېښودل لاسونه
یاره ګیله مې شوه درباندې
پرنوروخلکودی اخترپرماغمونه
یاره وطن دې راته پرېښود
زۀ بې کینې درپسې کډه ګرزومه
یاره یاری راسره وکړه
دبېلتانۀ دریاب لاهوکړم مړبۀ شمه
یاره یاری دې کړې نۀ وه
دزلزلې پۀ شان دې رېږدی اندامونه
یاره نژدې مې څنګ ته کېنه
چې داخزان وهلی زړۀ مې تازه شینه
یاره یاری دې رسوایی ده
پۀ سره مڼه دې وویشتم رسوادې کړمه
یاری پۀ توروسپین کې نۀ ده
چې زړۀ مین شی سترګې غواړی دیدنونه
یاری پۀ راشه درشه نۀ شی
څوچې ونۀ ځبېښی دسروشونډوسرونه
یاری پۀ عقل فکرنۀ شی
څوچې ازل وهلی نۀ وی قلمونه
یاری خوتاپرې کړه لوی مه شې
کۀ ماپرې کړې وی ژړلی بۀ دې وونه
یاری دجګې پېغلې خوندکړی
ترپلولاندې سړی غلی تېروینه
یاری خوتاکړه ماخونۀ کړه
چې تومت راغی تاپرماکړل منتونه
یاری دجګې پېغلې خوندکړی
لکه ګنی چې بندپۀ بندمزه کوینه
یاری دپېغلې ښه مزه کا
چې پۀ ملاماته شی پۀ څټ خولۀ ورکوینه
یاری دتورهلک مزه کا
تورلونګین دی سرداران یې بویوینه
یاری دزړۀ پۀ مینه کېږی
پېټی خونۀ دی چې پۀ زوریې پۀ شاکړمه
یاری دسپینې تورې واردی
رب دې جمله مسلمانان ترې وساتینه
یاری دسودپرخواکږه شوه
یارمې دهغویاری کړی چې سودیې وینه
یاری دسیال سړی هنردی
مادکم اصلویاری کړه وشرمېدمه
یاری دسیال سړی هنردی
ځان ته بۀ ګوری ستابۀ ډېرعزت کوینه
یاری دسیال سړی پۀ کارده
کم اصل یارپۀ یارۍ بل وشرموینه
یاری دشنې لښتې ګوزاردی
ربه جمله مسلمانان ترې وساتېنه
یاری دنرځلمی مزه کا
دانرښځی پۀ لښکرماتې ګډوینه
یاری دهېچانۀ هېرېږی
بې لۀ هغونه چې پۀ ذات کم اصل وینه
یاری دهسکې پېغلې خوندکړی
چې خولۀ ترې واخلې داراټیټه شی مینه
یاری دې پټه پاتې مه شه
رب دې رسواکه چې تاوان درباندې شمه
یاری دې نۀ کوم ډارېږم
دالرې لرې تماشې بۀ دې کومه
یاری دې وکړه رانه لاړې
لکه ویشتلې مرغۍ ځان ته ناسته یمه
یاری دې وکړه رانه لاړې
لکه مرغۍ چې ځاله جوړه کړی ترې ځینه
یامې مرګی نصیب کړې خدایه
یامرورجانان پخلاکړه چې راځینه
یالۀ اټکه زاڼې راغلې
یاپۀ ټولی دښایستوولګېدمه
یاسرکاری ډاګونه بندشول
یابې وفااشناکاغذنۀ رالېږینه
یامې پۀ خپله سینه خوښ یې
یامې پېرزو پۀ توروخاورویې مینه
یامې تۀ غوټه دګرېوان کړه
یامې اوږۍ کړه چې دې تاولۀ غاړې یمه
یامې خولۀ واخله یامې پرېږده
لۀ موره پټه پۀ بانه راغلې یمه
یامې دځانه سره ځان کړه
یامې دخاوروپۀ لورولېږه چې ځمه
یامې دځانه سره ځان کړه
یامې سورشال کړه چې پرزلفودې پروت یمه
یامې دځان سره یوځای کړه
یامې دسخط پۀ کفانه وکړه مینه
یامې دښې لیلاڅښتن کړه
یامې دعمرپاڼه زېړه کړه چې مرمه
یامې دیاردزلفوبوی دی
یاپۀ دکان دعطارۍ وروختمه
یامې دیارکوڅې ته بوزئ
یامې پانسۍ کړئ چې ازادلۀ غمو شمه
یامې غوټۍ دګرېوانۀ کړه
یامې موندرۍ کړه چې پۀ مخ دې ټال وهینه
یعقوب یې وړی کلکتې ته
ځکه ځوانان نن دمیوندجنګ لره ځینه
یامې نصیب ورسره وکړې
یامې پۀ عرش کې پاڼه زېړه کړې چې مرمه
یکې تنهاپۀ غم کې پروت یم
جانان مې نۀ شته چې همرازراسره شینه
یوبې کسی بل بې قدری شوه
تربې کسی مې بې قدری ډېرژړوینه
یوبېلتانۀ کړم ژوبله ژوبله
بل مې غمازپرزخم ماګې دوړوینه
یوبېلتانۀ پرهارپرهارکړم
بل غمازان ورباندې مالګه دوړوینه
یوچې دبل پۀ تومت رنګ وی
هغه بې ننګ دی چې پرڅنګ ورسره ځینه
یوڅومسرۍ پۀ وینوسرې دی
چې عاشقان ورباندې غم غلطوینه
یوڅومسرۍ دمین بس دی
ډېرې مسرۍ دبې وفاکسانووینه
یوځل مې تاکړې وی پوښتنه
بیابۀ مې پوښتنه چاپۀ ژوندنۀ کړی مینه
یوځل مې بیاتۀ وی لیدلی
بیامې دخپل زړګی وینې وی خوراکونه
یوځل مې ستاشونډې درښکل کړې
بیامې پۀ خولۀ کې وی دزهرولوی غوړپونه
یوځل مې ستامخ وی کتلی
بیامې پۀ سترګوکې ګلونه شوی مینه
یوځل مې ولیدی پۀ سترګو
بیامې وجودپردې دنیانۀ وی مینه
یوځلې بیاپۀ دې لارراشه
زماجانانه چې دې وکړم دیدنونه
یوځلې بېرته مخ راستون کړه
دسپېلنی پۀ شان لوګی درپسې یمه
یوځلې توره لونګۍ وکړه
بیاکۀ شړۍ پۀ سرکوې یاره دې یمه
یوځلې تۀ پۀ خنداراغلی
بیابۀ درقیب دلاسه مړخوشاله یمه
یوځلې تۀ مې خریدارشوی
نوربۀ دخدای پۀ درکې نۀ کوم سوالونه
یوځلې تۀ مې خبرواخله
بیاکۀ پیغام دمرګ راځی خوشاله یمه
یوځلې راشه دلارامه
دسپېلنی پۀ شان لوګی درپسې یمه
یوځلې راشه پۀ خنداشه
زمادزړۀ پۀ پرهارکېږده ملهمونه
یوځلې ستازمانوم یادشوی
بیاکۀ جلاوی زمازړۀ بۀ ډاډه ونه
یوځلې غاړه غړۍ راشه
یوهمزولتیاده بل مین درباندې یمه
یوځلې مخ بېرته راستون کړه
باقی دیدن بۀ دقیامت پۀ ورځ کوونه
یوخواته ننګ بل خواته مرګ دی
مرګ مې قبول دی بې ننګی نۀ قبلومه
یوخودې خولۀ ده غونډه منډه
بل پۀ سینه دې لونګین ټالۍ وهینه
یوخودې زماپېکی میرات کړ
بل راته وایې چې پۀ وراراسره ځنه
یوخومې خدای بل مې رسول دی
دریم مې تۀ پۀ زړۀ نیولی یې مینه
یوخومې دانصیحت واوره
چې لۀ پخلادښمنه ځان ساته مینه
یوخومې دغه سوال قبول که
خولۀ پۀ سلاراکه تالادرپسې یمه
یوخومې زړۀ پۀ غم غلبېل دی
بل مې قسمت پۀ خوب ویدۀ دی نۀ پاڅینه
یودې دی ټیک څلوردې خاله
هریوجلاجلاپرمااورلګوینه
یودې دذاته شونډې سرې دی
بل خودې پاڼ دهندوستان وهلی دینه
یورډ کاتۀ بل مړۀ کاتۀ دی
رډ کاتۀ ښۀ دی مړۀ کاتۀ اورلګوینه
یوزخم نۀ دی چې بۀ جوړشی
هزارزخمونه مې پۀ زړۀ دی وبۀ مرمه
یوکال بۀ نورهم مسافرشم
چې ستادحسن دوران تېرشی رابۀ شمه
یوکال بۀ لرې درنه لاړشم
چې دې دحسن دوران تېرشی رابۀ شمه
یوکال بۀ نوره درته کېنم
پیرخومې نۀ یې چې جنډې بۀ دې ساتمه
یووارې ټینګ پۀ غېږ کې راشه
بېګامې مړپۀ خوب لیدلی یې مینه
یومې بیناسترګې ړندې شوې
بل مې اشنادغم پۀ ډنډ کې غورځوینه
یومې دزړۀ زخم ناسورشو
بل مې دعمرپاڼې نن خزان وهینه
یوخومې خدای زړګوټی خوړین کړ
بل موزیګی راپسې ټک وهل لاسونه
یومې دکلی تومت واخست
بل مې جانان رانه لاس واخست نۀ راځینه
یومې دموروپلارخدای مړۀ کړی
ددنیاګۍ پۀ سریې خاورې ایرې کړمه
یومې غموزړګی راخوړین کړ
بل مې اشنالۀ یارۍ واخسته لاسونه
یومې کتاب زړګی راخوړین کړ
بل کبرجنه نجلۍ خولۀ نۀ راکوینه
یومې لۀ اصله رنګ زېړی ؤ
بل مې جانان پۀ لاس کې راکړل زېړګلونه
یومې نصیب مسافری شوه
بل داشناغمونه اوررالګوینه
یومې هغه سړی دښمن دی
چې دی بۀ پاووی ځان بۀ من حسابوینه
یووارخوماله پۀ غېږ راشه
چې دې پرمخ داسمان ستوری وشمارمه
یووارې داځلې پخلاشه
بیامې توبه ده جنګ بۀ نۀ درسره کړمه
یووارګلاب پرسینه کېږده
چې ستابوی واخلی بیایې زۀ نوبویومه
یووارې راشه دلارامه
دزړۀ لۀ سره مې دوینوځی رودونه
یووارملنک شه پرماراشه
دملنګانولارې چاتړلې دینه
یووارمې ستادیدن پروکړی
بیامې کۀ سترګې کارګان خوری خوشاله یمه
یووارولاړشه بیاراځارشه
پۀ زړۀ ظالمه کنه خدای درکړې یمه
یووارولاړشه بیاراځارشه
تل خوبۀ نۀ وی ستاځوانی زماسوالونه
یووارې بیاپۀ دې لارراشه
چې پرماورانه دنیابیاودانه شینه
یووارې بیاپۀ دې لارراشه
دګلولښتې پۀ دیدن پسې دې مرمه
یووارې بیاپۀ دې لارراشه
پۀ ماتیارۀ ده چې رڼاراباندې شینه
یووارې بیاپۀ دې لارراشه
دزړۀ ارامه پۀ دیدن پسې دې مرمه
یوځلې بیاراته وګوره
چې مې دزړۀ غمونه واړه لرې شینه
یووارې توره لونګۍ وکړه
بیاکۀ شړۍ ترسرکوې یاره دې یمه
یووارې جګه شه خولۀ راکه
زۀ ارمانی ستادخولګۍ راغلی یمه
یووارې خال راته ښکاره کړه
پۀ زړۀ کافرې لېونی درپسې یمه
یوواردې زلفې پۀ لاس راکه
کۀ بیامې بندپۀ زلفوبیایی لاړبۀ شمه
یووارې راشه زمایاره
دسپېلنی پۀ دود مې زړۀ لوګی کومه
یووارې سم پۀ لارې راشه
چې دې دپله خاورې رانجۀ دسترګوکړمه
یووارې غاړه غړۍ راشه
بیادې راپرېږده توریالی چې مړمې کینه
یووارې غاړه غړۍ راشه
شنه پۀ خنداشه دکلو ارمانجن یمه
یووارې لاس پۀ لاس کې راکه
دالاس نیوی بۀ دې ترمرګه یادومه
ېوه ټوټه اسمانه پرېوزه
چې ځای پۀ ځای غمازان ترلاندې شینه
ېوه ځولۍ غم رانه واخله
پرماانبارشول دملاتیرمې ماتوینه
ېوه ذره ځای پۀ کې نۀ شته
زړۀ پیمانه دیارلۀ غمه ګرځومه
ېوه ښاروېوه بلبله
ېوه لابله زۀ یې روغ لېونی کړمه
ېوه کوټه څلوریې کونجه
لیلاهوسۍ شوه اوس نیوی نۀ راکوینه
ېوه دې غونډه منډه خولۀ ده
بل دې خبرې پۀ کنډه تللې دینه
ېوه روپۍ دوه تاویزونه
روپۍ مین کړم تاویزونوپسې ورک کړمه
ېوه ناره چیغه بۀ وکړم
پۀ هغه ورځ چې داشنالۀکلی نه ځمه
ېوه وروستۍ لنډۍ دې داوی
رب دې ددوو مینووکړی دیدنونه
ېوه وعده راسره وکړه
چې دصراط پۀ پله بۀ یوځای سره ځونه
ېوه وعده راسره وکړه
نورې لنډی ماته مه لیکه مینه
ېوه وعده مې درسره ده
نورې لنډۍ تاته نۀ لیکم مینه
یویې کمال بل یې جمال دی
پرمامحال دی چې دځان اشنایې کړمه